ဒီမိုကရေစီဖတ်စာအသစ်
ကျွန်တော်တို့မြန်မာနိုင်ငံဟာ ဒီကနေ့ဒီအချိန်မှာ ခေတ်သစ်၊ စနစ်သစ်ကို ကူးပြောင်းနေပြီဖြစ်တဲ့ အတွက် ကျေနပ်အားရဖွယ်ရာ နိုင်ငံရေးအခင်းအကျင်းတွေ၊ အပြန်အလှန် ထိန်းကျောင်းမှု မြင်ကွင်းတွေ၊ လွတ်လပ် ပွင့်လင်းလာတဲ့ သတင်းတွေ မြင်တွေ့ကြားသိနေရပြီဖြစ်တဲ့အတွက် အမိမြေရဲ့အဝေးတစ်နေရာမှာ ရောက်ရှိနေတဲ့ ကျွန်တော်တို့လို အဝေးရောက်နိုင်ငံသားတွေအတွက် ၀မ်းမြောက်ဖွယ်ရာကောင်းသလို ဂုဏ်ယူဖွယ်ရာလည်း သိပ်ကောင်းနေပါတယ်၊
အရင်က ကျွန်တော်တို့နိုင်ငံကို ဘားမားလို့ တွင်တွင်ပြောခဲ့ကြသူတွေဟာလဲ အခုဆိုရင် မြန်မာဆိုပြီး မပီကလာ ပီကလာနဲ့ ပြောနေကြတာကိုလည်း ကျေနပ်ဖွယ်ရာ တွေ့ရှိနေရပါတယ်။ အရင်ကဆိုရင် မြန်မာနိုင်ငံသားဆိုတာနဲ့ ကျွန်တော်တို့နိုင်ငံအပေါ် အဆိုးမြင်ဝေဖန်ချက်တွေ တစ်သီတစ်တန်းကြီး ကြားသိခဲ့ရပေမယ့် အခုအချိန်မှာ နိုင်ငံတော်သမ္မတကြီးအကြောင်း၊ လွှတ်တော်ဥက္ကဌတွေအကြာင်း၊ စိတ်ဝင်တစားနဲ့ မေးမြန်းလာခဲ့ကြပြီဖြစ်ပါတယ်။ အထူးသတိထားဖို့ မှတ်သားဖို့ကောင်းတာက ကျွန်တော့်ရဲ့ပါမောက္ခ ဥပဒေပညာရှင်တစ်ယောက်ရဲ့စကားပါပဲ။ “မစ္စတာချမ်းမင်းတို့နိုင်ငံဒီမိုကရေစီကူးပြောင်းသွားတာသိပ်ကောင်းတယ်၊ မြန်မာ့နွေဦးဆိုပေမဲ့မင်းတို့ဟာက သွေးထွက်သံယိုမရှိ တော်လှန်ရေးမရှိ၊ သိပ်လှတဲ့နွေဦးပဲ၊ မင်းတို့နိုင်ငံဟာ ဒီမိုကရက်တိုင်ဇေးရှင်းရဲ့ဖတ်စာအသစ်ဖြစ်လာတော့မယ်လို့ ကျိန်းသေပြောရဲတယ်။”
ဒီစကားပြောတဲ့ပညာရှင်က အမေရိကန်နိုင်ငံ၏နိုင်ငံရေးအသိုင်းအ၀ိုင်းမှာအင်မတန်သြဇာကြီးပါတယ် ရီပက်ပလင်ကင်ရော ဒီမိုကရက်တစ်တွေကပါ အလေးထားပြီးတိုင်ပင်ရတဲ့ ဒီမိုကရေစီခေါင်းကိုင်ဆရာကြီးပဲဖြစ်ပါတယ်။ သူ့လိုလူမျိူးက ကျွန်တော်တို့နိုင်ငံရဲ့ ဒီမိုကရက်တိုင်ဇေးရှင်းကို အလေးအနက်ထားပြီးပြောလာပြီဆိုရင်တော့ အလကားမဟုတ်တော့ပါဘူး။ ဒီမိုကရက်တိုင်ဇေးရှင်း အိုင်ဒီယာအသစ်တွေ မကြာခင်မှာထွက်ပေါ်လာတော့မယ်ဆိုတဲ့ သဘောကိုကျွန်တော်ရိပ်စားမိပါတယ်။ မြန်မာ့ဒီမိုကရက်တိုင်ဇေးရှင်းဟာ အမေရိကန်ပြည်ထောင်စုရဲ့ ကမ္ဘာတစ်ဝန်းဒီမိုကရေစီ ပရိုမိုးရှင်း လုပ်ငန်းစဉ်အတွက်ဖတ်စာအသစ်၊ သင်ခန်းစာအသစ် ဖြစ်လာနေပြီဖြစ်ပါတယ်။
အကြီးမားဆုံးအန္တရာယ်
ပြီးတော့ သီတင်းမီဒီယာတွေထဲမှာဖတ်ရှုရတဲ့ သတင်းတွေအကြောင်း ကျွန်တော်တို့စကားဝိုင်းဆက်ဖြစ်ခဲ့ကြပါတယ်။ ကျွန်တော်ကိုယ်တိုင်ဥပဒေသမားတစ်ယောက်ဖြစ်တဲ့အပြင်နိုင်ငံတစ်ကာအခြေခံဥပဒေတွေကိုအထူးပြုသုတေသနပြုလုပ်ပြီး ပါရဂူဘွဲ့ရရှိခဲ့တာဖြစ်တဲ့အတွက် ကျွန်တော့်ပါမောက္ခက ကျွန်တော်နဲ့လာပြီးဆွေးနွေးတာလဲဖြစ်နိုင်ပါတယ်။ ကျွန်တော်တို့ နိုင်ငံဟာ အာဏာကြီးသုံးရပ်အညီအမျှခွဲဝေမှု၊ အပြန်အလှန်ထိန်းကျောင်းမှု စနစ်သစ်ကို ခုမှပြန်ပြီးအသက်သွင်းနေတာ သာဖြစ်ပါတယ်။ ခွဲဝေတာနဲ့ထိန်းကျောင်းတာမတူပါဘူး။ ရှင်းရှင်းလင်းလင်း နားလည်ဖို့လိုပါတယ်။ နောက်အရေးကြီး တာတစ်ခုက ဒီမိုကရေစီဖော်ဆောင်ရာမှာပုံတူကူးချလို့မရပါဘူး။
ဒါပေမဲ့ ကျွန်တော်တို့နိုင်ငံက သိပ်ကိုကံကောင်းပါတယ်။ ကမ္ဘာပေါ်မှာပုံစံအမျိုးမျိုးနဲ့ ဒီမိုကရေစီဖော်ဆောင်ရေးကိုလုပ် သွားကြတာရှိပါတယ်။ ကောင်းတာတွေရှိသလို ဆိုးတာတွေလဲရှိပါတယ်။ ကျွန်တော်တို့နိုင်ငံနဲ့သင့်လျော်တာတွေရှိသလို လုံးလုံးမအပ်စပ်တာတွေလဲရှိပါတယ်။ ကိုယ့်နိုင်ငံအနေအထားနဲ့သင့်လျော်ဆုံး ဖြစ်နိုင်မဲ့ မူဘောင်တွေကို ခွဲခြမ်းစိတ်ဖြာပြီး မြန်မာ့ပုံစံ၊ မြန်မာ့ဟန်နဲ့ ကျင့်သုံးနိုင်ဖို့လိုပါတယ်။ ကျွန်တော်လေ့လာခဲ့ရသမျှ ဒီမိုကရေစီ ကူးပြောင်းရေးဖြတ်သန်းမှုအဆင့်ဆင့်မှာ ဖြေလျှော့ခြင်းအဆင့်နဲ့ အခိုင်အမာတည်ဆောက်ခြင်းအဆင့်တွေမှာ အစိုးရအဖွဲ့တွေ ခိုင်မာအားကောင်းနေမှသာ အသွင်ကူးပြောင်းရေးလုပ်ငန်းစဉ်အောင်မြင်နိုင်မယ်ဆိုတဲ့အချက်ဟာ အသက် သွေးကြောဖြစ်ပါတယ်။ ဒါဟာအရေးကြီးပါတယ်။ ဒါကြောင့်လဲ ဒီလိုခိုင်မာအားကောင်းတဲ့ အစိုးရ ဖြစ်ပေါ်လာရေးအတွက် အခြေခံဥပဒေတွေမှာ အုပ်ချုပ်မှုအာဏာကို အလေးပေးရေးဆွဲကြရတာဖြစ်ပါတယ်။
အခြေခံဥပဒေတွေမှာ အာဏာခွဲဝေမှုအညီအမျှပေးထားပေမဲ့ လက်တွေ့ကျင့်သုံးကြတဲ့အခါ မဏ္ဍိုင်ကြီးတစ်ရပ်ရပ်က အုပ်ချုပ်ရေးမဏ္ဍိုင်ကို စိန်ခေါ်လာနိုင်တဲ့အနေအထားတွေ ဖြစ်လာတတ်ပါတယ်။ ဒါဟာလဲ ဒီမိုကရေစီ ကူးပြောင်းရေး မှန်သမျှမှာမလွဲမသွေကြုံတွေ့ရတတ်တဲ့ အလေ့အထတစ်ရပ်လို့လဲဆိုနိုင်ပါတယ်။ နောက်တစ်ချက်က အခြေခံဥပဒေကိုအကောက်အယူလွဲမှားပြီး အယူအဆအလွဲကို လက်တွေ့ကျင့်သုံးနေခြင်းပဲဖြစ်ပါတယ်။ ဒီမိုကရေစီကူးပြောင်းစနိုင်ငံတွေမှာ အထိုင်မကျခင်ဖြစ်ပေါ်တတ်တဲ့ ခြေလှမ်းအမှားမျိုးတွေလဲဖြစ်ပါတယ်။
ကျွန်တော်ရောက်ရှိနေတဲ့ အမေရိကန်ပြည်ထောင်စုဟာ ဒီကနေ့လိုအခြေအနေ မျိုးရောက်ရှိလာအောင် နှစ်ပေါင်းများစွာ ဖြတ်သန်းလာခဲ့ရတာဖြစ်ပါတယ်။ စနစ်တကျရှိတဲ့ အပြန်အလှန်ထိန်းကျောင်းမှုစနစ် ကို ဖြစ်ပေါ်ကြုံတွေ့ခဲ့ရတဲ့ အခြေအနေများ အပေါ်မှာ အခြေခံပြီးပြုပြင်ပြောင်းလဲမှုတွေ လုပ်ဆောင်ခဲ့ရတာဖြစ်ပါတယ်။ တစ်ခါတစ်လေမှာလည်းပြင်ဆင်တာတွေ လွဲမှားသွားလို့ ပြန်ပြီးဖြုတ်ပစ်ရတာတွေရှိရပါတယ်။ ပြီးတော့ တစ်ချိန်က ဖယ်ထုတ်ထားခဲ့တဲ့ ပြဌာန်းချက်တွေကို နောက်တစ်ချိန်မှာ ပြန်ပြီးကောက်ယူရတာတွေလည်းရှိပါတယ်။ ဒါဟာဥပဒေရဲ့ ရှင်သန်မှုသဘောသဘာဝလည်း ဖြစ်ပါတယ်။ ဘယ်ဥပဒေမှ ပြီးပြည့်စုံပြီး အလုံးစုံကောင်းမွန်တယ်ဆိုတာမရှိပါဘူး။ အဓိကအချက်က ဒီဥပဒေတွေကို ဘယ်လိုနားလည်သလည်း၊ ဘယ်လိုခံယူသလဲ၊ ဘယ်လိုကျင့်သုံးသလဲဆိုတာ ပဲဖြစ်ပါတယ်။ ပထမဦးဆုံးအနေနဲ့ ဥပဒေတွေ ၊ အထူးသဖြင့် ဖွဲ့စည်းပုံအခြေခံဥပဒေကို ကျေကျေညက်ညက် ရှင်းရှင်းလင်းလင်း နားလည်ဖို့လိုပါတယ်။ သာမန်အားဖြင့် သာမန်လူတွေမဆိုထားနှင့် ကျွန်တော်တို့လို ဥပဒေပညာရှင်တွေ၊ ဥပဒေပြုအမတ်တွေတောင်မှ အခြေခံဥပဒေကို သိလှပါပြီ၊သဘောပေါက်လှပါပြီလို့ ထင်မှတ်ထားကြပေမယ့် လက်တွေ့တစ်ကယ်တမ်းအသုံးချရတဲ့အချိန်ရောက်မှ ပိုပြီးနားလည်လာကြတာဖြစ်ပါတယ်။ တစ်ဖက်နဲ့တစ်ဖက် အခြေခံဥပဒေကိုကိုင်ပြီး ငြင်းကြခုံကြတဲ့အချိန်မှာ ပိုပြီးနားလည်သဘောပေါက်လာတာဖြစ်ပါတယ်။
ဖြစ်လေ့ဖြစ်ထရှိတဲ့ ဒီလိုအကောက်အယူလွဲမှားမှုတွေဟာ တစ်ခါတစ်ရံမှာ ဒီမိုကရေစီ ကူးပြောင်းဖော်ဆောင်ရေး လုပ်ငန်းစဉ်ကြီးတစ်ခုလုံးကို ကြီးကြီးမားမား ထိခိုက်မှု ရှိစေတာကိုလည်း လေ့လာချက်အရသိရပါတယ်။ တစ်ကယ်တမ်း မှာလဲ အကောက်အယူလွဲမှားမှုကို အခြေပြုပြီး လုပ်ဆောင်ချက်လွဲမှားမှုတွေဆက်တိုက်ပါလာတတ် လို့ပဲဖြစ်ပါတယ်။ ဒီမိုကရေစီသစ်ပင် မကြီးထွားနိုင်ခင်မှာ အညွန့်ကျိုးကျတတ်တဲ့ ကမ္ဘာအနှံ့ကဖြစ်စဉ်တွေ ကို ပြန်ပြီးလေ့လာကြည့်တဲ့ အခါမှာ ဒီမိုကရေစီဖော်ဆောင်ရေးလမ်းကြောင်းကြီးတစ်ခုလုံး ယိမ်းယိုင်သွားစေနိုင်ခဲ့တဲ့ လုပ်ဆောင်ချက် အမှားကြီးတွေဟာ သိသာထင်ရှားမှုမရှိတဲ့ ဒီလိုမျိုး အကောက်အယူလွဲမှားမှုတွေက စပြီး ဖြစ်လာတယ်ဆိုတာ အတိအကျတွေ့ရှိရပါတယ်။ ဒီမိုကရေစီ အထိုင်မကျခင်ပြိုလဲတတ်တဲ့အခြေအနေမှာ ဒီအကောက်အယူလွဲမှားမှုဟာ အကြီးမားဆုံးအန္တရာယ်ဖြစ်ပါတယ်။
အဲဒီထက်ပိုပြီးဆိုးတာက ဒီမိုကရေစီအသွင်ကူးပြောင်းစနိုင်ငံတွေမှာ မလွဲမသွေ ကြုံတွေ့ရတဲ့ ဒီမိုကရေစီ တင်သွင်းမှု တွေပဲဖြစ်ပါတယ်။ ဒီလိုပုဂ္ဂိုလ်တွေဟာ အထက်မှာတင်ပြခဲ့တဲ့ အကောက်အယူလွဲမှားမှုတွေ လုပ်ဆောင်တဲ့ အပြင် ဖွဲ့စည်းပုံအခြေခံဥပဒေမှာ ပါဝင်ခြင်းမရှိတဲ့ နိုင်ငံတကာကျင့်စဉ်တွေကို ပြည်တွင်းကိုတင်သွင်းလာပြီး ပရိုမိုးရှင်းလုပ်တတ်ကြပါတယ်။ အများအမြင်မှာ ဒီမိုကရေစီသဘောတရား လက်ချာပေးနိုင်သူ အဖြစ် ရောက်ရှိလိုတဲ့သူတွေရှိသလိုတချို့ကလည်းဒီမိုကရေစီစစ်မှန်စေလိုတဲ့ဆန္ဒနဲ့ ပြည်ပဒီမိုကရေစီကျင့်စဉ်တွေကို ပြည်တွင်းကိုတင်သွင်းလာကြတာတွေလည်းရှိပါတယ်။ဒီလိုမျိုးပြည်ပကျင့်စဉ်တွေ ပြည်တွင်းကိုတင်သွင်းလာ တဲ့ဖြစ်စဉ်တွေဟာ ဒီမိုကရေစီကူးပြောင်းစ နိုင်ငံတွေရဲ့ ၇၀%ကျော်ရှိနေတာကိုလည်း တွေ့ရပါတယ်။ ဒါဟာလည်း ဒီမိုကရေစီအသွင်ကူးပြောင်းမှုနုနယ်သေးတဲ့နိုင်ငံတွေအတွက် ကြီးမားတဲ့အန္တရယ်ကြီးတစ်ရပ်ဖြစ်ပါတယ်။
ဒီမိုကရေစီကူပြောင်းရေးအတွက် ခြိမ်းခြောက်မှု (၃) ရပ်
သမိုင်းကြောင်းတစ်လျှောက်ကမ္ဘာ့အနှံ့မှာ ဒီမိုကရက်တိုင်ဇေးရှင်းဖြစ်စဉ်တွေ လှိုင်း(၃)လှိုင်းနဲ့ ဖြစ်ပေါ်ခဲ့တာဖြစ်ပါတယ်။ ၁၉၅၅ခုနှစ်နောက်ပိုင်း နိုင်ငံပေါင်း (၈၆)နိုင်ငံမှာ ဒီမိုကရေစီကူးပြောင်းမှု (၁၁၅)ကြိမ်ဖြစ်ပေါ်ခဲ့ပါတယ်။ ဒီအပြောင်း အလဲစုစုပေါင်းရဲ့ ၁၇ ရာခိုင်နှုန်းလောက်ပဲခိုင်မာပြီး ရေရှည် တည်တံ့ရှင်သန်တဲ့ ဒီမိုကရေစီအဆင့်ကို ကူးပြောင်းသွား နိုင်ခဲ့ကြပါတယ်။ နောက်တစ်ခုကတော့ အိမ်နီးချင်းထိုင်းနိုင်ငံမှာ ဖြစ်ပွားခဲ့သလိုမျိုး ဒီမိုကရေစီကူးပြောင်းလိုက်၊ အာဏာသိမ်းပွဲတွေဖြစ်ပေါ်လာလိုက်နဲ့ တော်လှန်ရေး သံသရာလည်သွားတာဖြစ်ပြီး နိုင်ငံပေါင်း ၃၂ နိုင်ငံမှာ ဒီလိုမျိုးအပြောင်းအလဲ ၄၄ ခုအထိရှိခဲ့ပါတယ်။ နောက်တစ်ခုကတော့ ဒီမိုကရေစီအသွင်ကူးပြောင်းပြီးမှာ ပြည်တွင်းစစ်၊ ပဋိပက္ခသံသရာလည်သွားတာဖြစ်ပြီး နိုင်ငံပေါင်း ၄၀ အထိ ရှိခဲ့ပါတယ်။နောက်တစ်မျိုးကတော့ ဒီမိုကရေစီ အသွင် ကူးပြောင်းပြီးမှ နောက်ပြန်ဆုတ်ကာ အာဏာရှင်စနစ်အသက်ဝင်တဲ့ သံသရာလည်သွားတာဖြစ်ပါတယ်။ ဒီမိုကရေစီနောက်ပြန်လှိုင်းလို့လည်း ခေါ်တွင်ကြပြီးတော့ နိုင်ငံပေါင်း ၄၄ ခုအထိရှိခဲ့တာ တွေ့ရှိရပါတယ်။ ပြည်တွင်းစစ် သံသရာလည်သွားခ်ျိန်မှာ နောက်ပြန်လှိုင်းက ဆက်တိုက်လိုက်ပါလာတာဖြစ်ပါတယ်။
ဒီမိုကရက်တိုင်ဇေးရှင်းဆိုင်ရာ သမိုင်းကြောင်းသင်ခန်းစာတွေ၊ သီအိုရီတွေအမျိုးမျိုးရှိပေမယ့်လည်း ကျွန်တော့်အနေနဲ့ လက်ရှိမြန်မာနိုင်ငံရဲ့ အနေအထားနဲ့ကိုက်ညီပြီး ဥပဒေရှုထောင့်လည်းပါဝင်တဲ့ ရှုမြင်သုံးသပ်ချက်တစ်ရပ် တင်ပြလိုပါတယ်။ ဒီမိုကရေစီသက်တမ်း နုနယ်စအချိန်အခါမှာ အများအားဖြင့် ကြုံတွေ့ရလေ့ရှိပြီး အဆိုးကျော့ သံသရာလည်သွားစေနိုင်တဲ့အန္တရာယ်ကြီး (၃) ရပ်၊ တစ်နည်းအားဖြင့် ဒီမိုကရေစီအသွင်ကူးပြောင်းရေးအတွက် ခြိမ်းခြောက်မှု (၃) ရပ်ရှိပါတယ်။ (အခြားသောပညာရှင်တွေအနေနဲ့ အခြားရှုထောင့်တွေက ဖွင့်ဆိုကြပေမဲ့လည်း ကျွန်တော်ကတော့ ဥပဒေနဲ့ဆက်နွယ်ပြီး ဖွင့်ဆိုထားတာဖြစ်ပါတယ်။) အဲဒီခြိမ်းခြောက်မှုတွေကတော့ အောက်ပါအတိုင်းဖြစ်ပါတယ်-
(က) အသွင်ကူးပြောင်းရေးကာလတွင် တိကျခိုင်မာသော ဥပဒေမူဘောင်သတ်မှတ်နိုင်မှုမရှိခြင်း။
(ခ) ဖွဲ့စည်းပုံအခြေခံဥပဒေပါ ဒီမိုကရေစီကျင့်စဉ် အနှစ်သာရများအပေါ် အကောက်အယူလွဲမှားခြင်း။
(ဂ) ပြည်ပမှ ဒီမိုကရေစီကျင့်စဉ်များကို ပြည်တွင်းသို့ တင်သွင်းလာသဖြင့် ဥပဒေနှင့် မညီညွတ်သောအလေ့အထများ ဖြစ်ပေါ်လာခြင်း။
မြန်မာ့ဒီမိုကရေစီနှင့် ခြိမ်းခြောက်မှုများ
ဒီကနေ့ ကျွန်တော်တို့မြန်မာနိုင်ငံဟာ ဒီမိုကရေစီအသွင် ကူးပြောင်းစထိခိုက်လွယ်၊ ပြိုကွဲလွယ်တဲ့အခြေအနေသစ် ကို ရောက်ရှိနေတာဖြစ်ပါတယ်။အသွင်ကူးပြောင်းစဆိုတဲ့အတိုင်းပဲစနစ်အသစ်နှင့်စနစ်အဟောင်း ရောထွေးနေတာတွေ ရှိနေတဲ့အတွက် တိကျခိုင်မာတဲ့ မူဘောင်ကြီးတစ်ခုရှိရမှာဖြစ်ပါတယ်။ တချို့သောနိုင်ငံတွေမှာ ဒီမိုကရေစီ ကို တော်လှန်အုံကြွမှု၊ ဆန္ဒပြမှု၊ အစိုးရဖြုတ်ချမှု စတဲ့ ပုံစံအမျိုးမျိုးနဲ့ ကူးပြောင်းလာခဲ့ပြီးမှ ဒီမိုကရေစီဖော်ဆောင် နိုင်ခြင်းမရှိဘဲ အဆိုးသံသရာလည်သွားခဲ့တာဟာ အဲဒီလိုတိကျခိုင်မာတဲ့ မူဘောင်တစ်ရပ်မရှိလို့ပဲဖြစ်ပါတယ်။ ဒါဟာ ဒီမိုကရေစီအသွင်ကူးပြောင်းရေးအတွက် ကြီးမားလှတဲ့ အန္တရာယ်ဖြစ်ပေမယ့်လည်း ကျွန်တော်တို့ နိုင်ငံကတော့ အသွင် ကူးပြောင်းရေးလုပ်ငန်းစဉ်ကြီး တစ်ခုလုံး တိတိကျကျ ခိုင်ခိုင်မာမာ ထည့်သွင်းထားတဲ့ မူဘောင်ကြီှးရှိနေခဲ့ပါတယ်။ ဒီမူဘောင်ကတော့ ၂၀၀၈ခုနှစ် ဖွဲ့စည်းပုံ အခြေခံဥပဒေပဲဖြစ်ပြီးတော့ လက်ရှိအချိန်မှာ စနစ်တကျအသွင်ကူးပြောင်း သွားနိုင်တာဟာ ဒီအခြေခံဥပဒေ ခိုင်ခိုင်မာမာရှိနေလို့ပဲဖြစ်ပါတယ်။ နိုင်ငံတော်သမ္မတကြီးဦးသိန်းစိန်ရဲ့ လုပ်ဆောင်ချက်တွေ၊ ပြောကြားချက်တွေ၊ မျှော်မှန်းချက်တွေကို အသေးစိတ်လေ့လာကြည့်မယ်ဆိုလျှင် ဖွဲ့စည်းပုံအခြေခံဥပဒေကိုအခြေပြုပြီးဒီမိုကရေစီလမ်းကြောင်းကို လျှောက်လှမ်းနေတယ်ဆိုတာကို တွေ့ရှိရမှာဖြစ်ပါတယ်။ ဒီတော့ ဒီမိုကရေစီအသွင်ကူးပြောင်းစ နိုင်ငံတွေမှာ တွေ့ကြုံရလေ့ရှိတဲ့ ပထမခြိမ်းခြောက်မှုကို ကျွန်တော်တို့ နိုင်ငံ ကျော်လွန်နိုင်ခဲ့ပြီလို့ ဆိုနိုင်ပါတယ်။
ဒုတိယခြိမ်းခြောက်မှု ဖြစ်တဲ့ ဖွဲ့စည်းပုံအခြေခံဥပဒေပါ ဒီမိုကရေစီကျင့်စဉ်အနှစ်သာရများအပေါ် အကောက်အယူလွဲမှားခြင်းတွေရှိနေသလားဆိုတာကို ကျွန်တော်တို့ သတိပြုဖို့လိုပါတယ်။ ဒါဟာ ရုတ်တရက်ကြည့်လိုက်ရင်သိသာမြင်သာနိုင်ဖို့ ခက်ခဲနေပေမယ့်လည်း သိသာထင်ရှားတဲ့အဆင့် ရောက်တဲ့အချိန်မှာ ကြီးမားတဲ့ပဋိပက္ခတွေ ဖန်တီးနေတဲ့အဆင့်မျိုးကို ရောက်ရှိနေတတ်တာကိုလည်း တွေ့ရှိရပါတယ်။ ကျွန်တော်တို့ မြန်မာနိုင်ငံမှာလည်း ရှိနေပြီလား သတိထားပြီးလေ့လာကြည့်မိတော့ ကျွန်တော်ခေါင်းနပန်းကြီးသွားပါတယ်။ အကောက်အယူလွဲမှားခြင်းဟာ အထူးသတိပြုရမယ့် ကိစ္စဖြစ်ပါတယ်။ အခုမှဒီမိုကရေစီ စလုံးရေစဖြစ်တဲ့အတွက် ဟုတ်နိုးနိုးကနေ အမှန်တရားသဖွယ် ရောက်ရှိသွားတတ်ပါတယ်။ ဒီလိုအမှန်တရားသဖွယ် လွဲမှားတဲ့ အကောက်အယူတွေကြောင့် လွဲမှားတဲ့လုပ်ဆောင်ချက်တွေ ဆက်တိုက်ဆိုသလို တွဲပြီးပါလာတတ်ပါတယ်။
သိသာထင်ရှားအောင် ဥပမာတစ်ခုပြလိုပါတယ်။ နေပြည်တော်မှာ ကျင်းပနေတဲ့ လွှတ်တော်အစည်းအဝေးတွေမှာ လွှတ်တော်ကိုယ်စားလှယ်တွေရဲ့ ဆွေးနွေးချက်တွေ၊ ပြည်တွင်းပြည်ပသတင်းမီဒီယာတွေနဲ့ တွေ့ဆုံဖြေကြားချက်တွေမှာ မကြာခဏတွေ့ရှိနေရတဲ့ ကိစ္စရပ်တစ်ခုရှိပါတယ်။ “နိုင်ငံတော်၏အချုပ်အခြာအာဏာသုံးရပ်တွင် အမြင့်ဆုံးဖြစ်သော ဥပဒေပြုအာဏာကို ကျင့်သုံးဆောင်ရွက်နေသော ပြည်ထောင်စုလွှတ်တော်” ဆိုတဲ့စကားရပ်ပဲဖြစ်ပါတယ်။ ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀၈) ခုနှစ် အခန်း (၁)၊ နိုင်ငံတော်အခြေခံမူများ၊ ပုဒ်မ (၁၁) ပုဒ်မခွဲ (က) ပြဌာန်းချက်မှာ “နိုင်ငံတော်အချုပ်အခြာအာဏာ၏ ခက်မသုံးဖြာဖြစ်သည့် ဥပဒေပြုရေးအာဏာ၊ အုပ်ချုပ်ရေးအာဏာနှင့် တရားစီရင်ရေးအာဏာတို့ကို---” ဆိုပြီးပြဌာန်းထားပါတယ်။ အမြင့်ဆုံးဖြစ်သော ဥပဒေပြုရေးအာဏာဆိုတာမျိုးသုံးနှုန်းဖော်ပြ ပြဌာန်းထားခြင်းမရှိတာကို သတ်ိပြုကြဖို့လိုပါတယ်။
ဒီနေရာမှာ “အမြင့်ဆုံး” ဆိုတဲ့စကားရပ် ဘယ်ကလာသလဲဆိုတာ ကျွန်တော်ရှင်းလင်းတင်ပြလိုပါတယ်။ ပြည်ထောင်စုဆိုရှယ်လစ်သမ္မတမြန်မာနိုင်ငံတော် ဖွဲ့စည်းပုံအခြေခံဥပဒေအခန်း(၄)၊ ပြည်သူ့လွှတ်တော်အခန်း၊ ပုဒ်မ ၄၁ ပြဌာန်းချက်မှာ “ပြည်သူ့လွှတ်တော်သည် နိုင်ငံသားများ၏ကိုယ်စား နိုင်ငံတော်၏အချုပ်အခြာအာဏာကို ခံယူ ကျင့်သုံးသော နိုင်ငံတော်၏အမြင့်ဆုံး အာဏာပိုင်ဖြစ်သည်” ဆိုပြီးဖော်ပြထားတာကို တွေ့ရှိနိုင်ပါတယ်။ ဒီနေရာမှာ သတိပြုကြဖို့က ၁၉၇၄ ခုနှစ်အခြေခံဥပဒေဟာ တစ်ပါတီစနစ်၊ ဆိုရှယ်လစ်စနစ်၊ လွှတ်တော်တစ်ရပ်တည်း ရှိတဲ့စနစ် ဖြစ်နေတဲ့အချက်ဖြစ်ပါတယ်။ နိုင်ငံတော်အာဏာဟာ ပါတီ၊ လွှတ်တော်၊ အစိုးရ စတဲ့အဆင့်ဆင့် အဖွဲ့အစည်းတွေ လက်ထဲမှာရှိတာဖြစ်ပါတယ်။ နောက်တစ်ချက်က ကျွန်တော်တို့နိုင်ငံရဲ့ အစောဆုံးဒီမိုကရေစီ
ကျင့်သုံးခဲ့တဲ့ ပါလီမန်အစိုးရခေတ်ကလည်း လက်ရှိစနစ်နဲ့ မတူပါဘူး။ ပါလီမန်ခေတ်မှာ ၀န်ကြီးချုပ် ဟာ ပါလီမန်ထဲမှာ ရှိနေတာဖြစ်ပါတယ် ။ပြည်ထောင်စုမြန်မာနိုင်ငံ၊ ဖွဲ့စည်းအုပ်ချုပ်ပုံအခြေခံဥပဒေ၊ အခန်း(၇)၊ ပြည်ထောင်စုအစိုးရ၊ပုဒ်မ ၁၀၆မှာ အစိုးရအဖွဲ့ဝင် ၀န်ကြီးတစ်ဦးသည် ခြောက်လမျှ တစ်ဆက်တည်း ပါလီမန်အမတ်မဟုတ်လျှင် ထိုကာလအပိုင်းအခြား ကုန်ဆုံးသွားသောအခါ အစိုးရအဖွဲ့ဝင် ၀န်ကြီးအဖြစ်မှ ရပ်စဲရမည် ဆိုပြီး ပြဌာန်းထားတာတွေ့နိုင်ပါတယ်။
အမြင့်ဆုံးဆိုတဲ့စကားရပ်က အဲ့ဒီကနေ ကောက်ယူပြီး အခု မြန်မာနိ်ုင်ငံမှာ တွင်တွင် ကျယ်ကျယ် သုံးနှုန်းလာကြတာတွေ့ရပါတယ်။ ဒီအကောက်အယူဟာ လွဲမှားနေတဲ့ အကောက်အယူ ဖြစ်နေပါတယ်။ ၂၀၀၈ခုနှစ် ဖွဲ့စည်းပုံအခြေခံဥပဒေရဲ့ အနှစ်သာရအရရော၊ ပြဌာန်းချက်များအရပါ ဖြောင့်ဖြောင့်ကြီးဆန့်ကျင်နေပါတယ်။ အုပ်ချုပ်မှုအာဏာကိုရယူထားသူဟာ နိုင်ငံတော် သမ္မတဖြစ်ပါတယ်။ ပါလီမန်ခေတ်၊ လမ်းစဉ်ပါတီခေတ်တွေကလို ၀န်ကြီးချုပ်မဟုတ်တော့တာကိ်ု သတိပြုကြဖို့လိုပါတယ်။ အခုဖွဲ့စည်းပုံဟာ သမ္မတအုပ်ချုပ်ရေးစနစ် ဖြစ်ပါတယ်။ ဒါဟာ သာဓကတစ်ခု အနေနဲ့ ထုတ်နုတ်တင်ပြခြင်းဖြစ်ပါတယ်။ ဒါတွေကို သတိကြီင်္းကြီင်္းထားပြီးမြင်တတ်ဖို့၊ အထူးသဖြင့် ဖွဲ့စည်းပုံအခြေခံဥပဒေရဲ့ အနှစ်သာရတွေကို ဒီလိုမျိုး အကောက်အယူလွဲမှားမှုတွေနဲ့ ပြောင်းလဲမပစ်ဖို့ အရေးကြီးနေပါပြီ။
အလျဉ်းသင့်သလို လက်ရှိမြန်မာနိုင်ငံမှာ ဘယ်လိုမျိုးအင်စတီကျူးရှင်း အမြင့်ဆုံးမှာရှိသလဲ ဆိုတာလေးကို ပြန်ပြောင်းအတည်ပြု ပေးလိုပါတယ်။ ဖွဲ့စည်းပုံအခြေခံဥပဒေ ၊ပုဒ်မ၅၇ မှာ နိုင်ငံတော် သမ္မတနှင့် ဒုတိယသမ္မတများသည် နိုင်ငံတော်ကိုကိုယ်စားပြုသည် ဆိုတဲ့ ပြဌာန်းချက်၊ပုဒ်မ ၅၈ မှာ နိုင်ငံတော်သမ္မတသည် ပြည်ထောင်စုသမ္မတ မြန်မာနိုင်ငံတော်တစ်ဝန်းလုံးတွင် နိုင်ငံသားအားလုံး၏ အထွတ်အထိပ်နေရာရရှိသည် ဆိုတဲ့ ပြဌာန်းချက်တွေကိုကြည့်ရင် ရှင်းသွားပါလိမ့်မယ်။
တတိယခြိမ်းခြောက်မှု ဖြစ်တဲ့ ပြည်ပမှ ဒီမိုကရေစီကျင့်စဉ်များကို ပြည်တွင်းသို့ တင်သွင်းလာသဖြင့် ဥပဒေနှင့် မညီညွတ်သောအလေ့အထများ ဖြစ်ပေါ်လာခြင်းဆိုတဲ့အချက်ရောလက်ရှိ မြန်မာနိုင်ငံမှာ ဖြစ်နေသလား လေ့လာကြည့်ဖို့ လိုပါတယ်။ တွေ့နေရပါတယ်။ အန္တရာယ် ကြီးမားလှတဲ့ Importing Democracy ဖြစ်နေပါတယ်။ အတိအကျ ဆိုရင် နေပြည်တော် ၊ လွှတ်တော်အစည်းအဝေးတွေမှာ ပြည်ထောင်စုအစိုးရ ဥပဒေပြုအဖွဲ့ ၊ ပြည်ထောင်စုအစိုးရ အုပ်ချုပ်ရေးအဖွဲ့ ၊ ပြည်ထောင်စုအစိုးရ တရားစီရင်ရေးအဖွဲ့ ဆိုပြီး တွင်တွင်ကျယ်ကျယ် သုံးနှုန်းပြောကြားနေကြ တာကိ်ု တွေ့ရပါတယ်။ ပြည်ထောင်စုအစိုးရရဲ့ အစိတ်အပိုင်းတစ်ရပ်စီလို့ ဆိုလိုချင်ကြတဲ့သဘော ဖြစ်ကြောင်း နားလည်ပါတယ်။ ဒါပေမယ့် ဒီလိုပြောနေ၊ခံယူကျင့်သုံးနေတဲ့သူတွေ အနေနဲ့ ဖွဲ့စည်းပုံအခြေခံဥပဒေ ဆိုတဲ့ပေးထားချက် ကို သေသေချာချာအချိန်ယူပြီး လေ့လာစဉ်းစားသင့်ပြီ ဖြစ်ပါတယ်။
ဒါဘယ်ကရောက်လာသလဲဆိုတာ အမေရိကန်ပြည်ထောင်စုမှာရှိနေတဲ့ ကျွန်တော်က ပိုပြီးနားလည်သဘောပေါက်ပါ တယ်။ ဒီမိုကရေစီ ဆရာကြီးတွေ ဆရာကြီးဖြစ်ချင်တဲ့ သူတွေရဲ့ ပြည်ပကတင်သွင်း လာတဲ့ ဗားရှင်းတစ်မျိုးဖြစ်ပါတယ်။ (အခု အဲ့ဒီ ဒီမိုကရေစီင်္ဆရာကြီးတစ်ချို့ မရှ်ိကြတော့ပါဘူး။ ဒါပေမယ့် သူ့ရဲ့လက်ချာအမှားတွေ ကျန်နေသေးတာဖြစ် ပါတယ်။) ကျွန်တော်တို့နိုင်ငံရဲ့ ဖွဲ့စည်းပုံအခြေခံဥပဒေနဲ့ အတိအကျကြီးကို သွေ ဖည်မှားယွင်းနေတာလည်းဖြစ်ပါ တယ်။ ပြည်ထောင်စု အစိုးရဖွဲ့စည်းခြင်းနှင့် စပ်လျဉ်းပြီး ဖွဲ့စည်းပုံအခြေခံဥပဒေပုဒ်မ ၂၀၀ မှာ အတိအလင်း ပြဌာန်း ထားပြီး ဖြစ်ပါတယ်။ ဒီပြဌာန်းချက်အရ ပြည်ထောင်စုအစိုးရအဖွဲ့မှာ နိုင်ငံတော်သမ္မတ၊ ဒုတိယသမ္မတ များ၊ ပြည်ထောင်စုဝန်ကြီးများနှင့် ပြည်ထောင်စုရှေ့နေချုပ်တို့ ပါဝင်ပါတယ်။ ဖွဲ့စည်းပုံအခြေခံဥပဒေ ကို သေချာလေ့လာကြည့်ကြမယ်ဆိုရင် ဖွဲ့စည်းပုံအခြေခံဥပဒေရဲ့ အနှစ်သာရကို နားလည်ပြီး ခံယူလိုက်နာကြမယ် ဆိုရင် ပြည်ထောင်စုအစိုးရ ဥပဒေပြုအဖွဲ့၊ ပြည်ထောင်စုအစိုးရ အုပ်ချုပ်ရေးအဖွဲ့၊ ပြည်ထောင်စုအစိုးရ တရားစီရင်ရေးအဖွဲ့ ဆိုပြီး သုံးနှုန်းကြမှာ မဟုတ်ပါဘုး။ နောက်တစ်ချက်က ဖွဲ့စည်းပုံအခြေခံဥပဒေမှာ ပါဝင်ခြင်း မရှိတာတွေကို ဒီမိုကရေစီဖော်ဆောင်ရေး လုပ်ငန်းစဉ်တွေမှာ သွတ်သွင်းခြင်းဟာ နုနယ်စ ဒီမိုကရက်တိုင်ဇေးရှင်း အတွက် အန္တရာယ်ကြီးတယ်ဆိုတာကို သတိပြု ကြဖို့လိုပါတယ်။
နိဂုံး
ကျွန်တော့အနေနဲ့ လက်ရှိမြန်မာနိုင်ငံရဲ့ ဒီမိုကရေစီ အသွင်ကူးပြောင်းရေးဖြစ်စဉ်အသစ်ကြောင့် ကမ္ဘာ့သမိုင်းမှာ စံနမူနာပြ မော်ဒလ်အသစ် ဖြစ်လာတော့မယ့် အခြေအနေအတွက် များစွာဂုဏ်ယူ ၀မ်းမြောက်မိပါတယ်။ တစ်ဖက် ကလည်း နုနယ်စ ဒီမိုကရေစီအတွက် ခြိ်မ်းခြောက်မှုတွေ ကို သတိပြုကြဖို့ ၊ ဒီင်္ခြိမ်းခြောက်မှုတွေ ကနေ ဘေးအန္တရာယ်ကြီးတွေ အဆင့်အထ်ိ ရောက်ရှိမလာနိုင်အောင် ဥာဏ်အမြော်အမြင်နဲ့ ဆင်ခြင် သုံးသပ်ကြဖို့ သတိပေးလိုခြင်း သက်သက်ဖြစ်ပါတယ်။ မြန်မာ့ ဒီမိုကရေစီကို မြန်မာ့ဒီမိုကရေစီအဖြစ် သမိုင်းတွင်ရစ်တာ ကိ်ုပဲ မြင်ချင်ပါတယ်။ သမိုင်းနိဂုံးချုပ်၊ မချုပ် အငြင်းပွားမှုတွေကြားထဲမှာ ထွက်ပေါ်လာတဲ့ ဒီမိုကရက်တိုင်ဇေးရှင်း မော်ဒလ်အသစ်ဖြစ်တဲ့ မြန်မာလမ်းကြောင်းအသစ်မှာ ဆက်လက်လျှောက်လှမ်းနိုင်ကြ ပါစေကြောင်း မေတ္တာရပ်ခံ တင်ပြလိုက်ရပါတယ်။ ။
မောင်အေးချမ်း(ဟားဗတ်) ၏ဆောင်းပါးကို ပြန်လည်မျှဝေခြင်းဖြစ်သည်။
